गेल्या काही दिवसांपूर्वी खेड बस स्थानक परिसरात झालेल्या दोन सामाजिक संस्थेमधील वादाचे मुख्य कारण अद्यापही अस्पष्ट असले तरी विविध करणे मात्र नाक्या नाक्यावर चर्चिली जात आहेत.
गेल्या काही दिवसांपूर्वी खेड शहरातील बस स्थानक परिसरात दोन सामाजिक संस्थेचे कार्यकर्ते व एका राजकीय पक्षाचे पदाधिकारी हे वाद करताना दिसून आले होते. मात्र या प्रकरणी दोन्ही सामाजिक संस्थेकडून कोणत्याही प्रकारचा अधिकृतपणे खुलासा करण्यात आलेला नाही. यामुळे या वादाचे नेमके कारण काय? याचे उत्तर खेड वासियांना अद्यापही मिळालेले नसले तरी विविध चर्चांना मात्र नाक्या नाक्यावर ऊत आलेला पहावयास मिळत आहे. यामध्ये काहीजण दोन्ही संस्थेत असलेले राजकीय पदाधिकारी यांच्यातील मनोरंजनाच्या कार्यक्रमाच्या उद्घाटनाचा श्रेयवाद, तर काही ठिकाणी जुने वैचारिक मतभेद तसेच या बॅनर वादावेळी एकच समाजातील कार्यकर्ते असणाऱ्यांनी सामाजिक मत भेदमुळे हा वाद झाल्याचे चर्चिले जात आहे. यामध्येच एका संस्थेच्या सदस्यांनी आमचे एकमेकांना सहकार्य असून त्यांचा पहिलाच कार्यक्रम आहे. त्यांना आम्ही मदत करीत आहोत असे सांगत असले तरी त्यांचे बोलणे एक आणि वागणे एक असल्याचे चर्चिले जात आहे. मात्र या सर्व प्रकरणी दोन्ही संस्थेपैकी किमान एकाने तरी यावर आपली भूमिका स्पष्ट करून खेड वासियांना या वादामागचे खरे कारण स्पष्ट करणे गरजेचे असल्याचे मत खेड वासियांमधून व्यक्त करण्यात येत आहे.
TIMES MARATHI NEWS 