खेड शहरातील गोळीबार मैदान येथे लायन्स क्लबच्या वतीने लायन्स फेस्टिव्हलचे आयोजन करण्यात आले असून या फेस्टिवल मधून मिळणाऱ्या उत्पन्नातून खेड शहरात एक डाय लेसिस सेंटर उभारण्याचा माणसं असल्याचे मत लायन्स क्लब खेड ने पत्रकार परिषदेत स्पष्ट केले
खेड शहरातील गोळीबार मैदान येथे 2 जानेवारी ते 7 जानेवारी या कालावधीत लायन्स फेस्टिव्हलचे आयोजन करण्यात आले आहे. या फेस्टिव्हलमध्ये 6 दिवस विविध प्रकारच्या सांस्कृतिक कार्यक्रमाची रेलचेल आसणार आहे. या कार्यक्रमाच्या निमित्ताने सध्या महाराष्ट्रात नावाजलेली नृत्यांगणा गौतमी पाटील उपस्थित राहणार आहे. यासाठी स्वतः गौतमी पाटील यांनी खेड वासियांना व्हिडिओच्या माध्यमातून जाहीर आवाहन देखील केले आहे. तसेच या फेस्टिवल मधून मिळणाऱ्या निधीतून खेड शहरासाठी कायमस्वरूपी एक डायलेसिस सेंटर व नेत्र रुग्णालय उभारण्याचा मानस असल्याचे लायन्स क्लब खेडने पत्रकार परिषद घेवून स्पष्ट केले. या फेस्टिवल साठी लायन्स क्लब खेडचे 46 पदाधिकारी अहोरात्र मेहनत घेत असून खेड वासियांना मनोरंजनाचा पुरेपूर आस्वाद घेता यावा यासाठी प्रयत्नशील असल्याचे देखील लायन्स क्लब कडून स्पष्ट करण्यात आले. तसेच या 6 दिवसांच्या कालावधीत विविध सामाजिक संस्थांना अन्नधान्य व त्यांना आवश्यक असणाऱ्या गोष्टींचे वाटप देखील करण्यात येणार असल्याचे त्यांनी स्पष्ट केले. तसेच या महोत्सवाला खेड वासियांसह जिल्हा वासियानी उत्सुफुर्त प्रतिसाद द्यावा असे आवाहन देखील खेड लायन्स कडून करण्यात आले आहे.
TIMES MARATHI NEWS 