जगात भारी भारताची व्हिस्की, 2023 ची सर्वात्कृष्ट व्हिस्की म्हणून मिळवले स्थान

व्हिस्की ऑफ द वर्ल्ड अवॉर्डस – 2023 मध्ये भारतातील हरियाणा येथील पिक्याडिली समूहाची “इंद्री” या विस्कीची सर्वात्कृष्ट व्हिस्की म्हणून निवड करण्यात आली. दरवर्षी जागतिक स्तरावर हा कार्यक्रम आयोजित केला जातो. या कार्यक्रमामध्ये जगाच्या कानाकोपऱ्यातून 100 हून अधिक व्हिस्की ब्रँड सहभागी झाले होते. या स्पर्धेत जागतिक स्तरावरील प्रतिष्ठित आणि सर्वात मोठी विस्किची चव घेण्याची स्पर्धा आयोजित करण्यात आली होती. या स्पर्धेत भारतातील इंद्री या विस्कीने स्कॉच, बोरबॉन, कॅनेडियन, ऑस्ट्रेलियन आणि ब्रिटिश सिंगल माल्ट्सह विविध देशातील विस्कीना मागे टाकत प्रथम स्थान मिळवले. 2021 मध्ये या समूहाने भारतातील पहिली ट्रिपल – बॅरल सिंगल माल्ट व्हिस्की “इंद्री – त्रिनी” लाँच करून आपला प्रवास सुरू केला. द संडे गार्डियनच्या म्हणण्यानुसार इंद्रीने 14 आंतरराष्ट्रीय पुरस्कार मिळवले आहेत. भारतातील विस्किसाठी ही अत्यंत महत्वपूर्ण बाबा मानली जात आहे.