चालकांचा हार आणि श्रीफळ देत अनोखे आंदोलन
ओन्ली ड्रायव्हर भाऊ मदत संघ सामाजिक संस्थेच्या खेडच्या पदाधिकारी व सदस्यांनी 9 जानेवारी पासून स्टेरिंग छोडो आंदोलन सुरू केले आहे.
आज आंदोलनाच्या पहिल्या दिवशी संघटनेच्या कार्यकर्त्यांनी खेड भरणे मार्गावर एकत्र येवून प्रवास करणाऱ्या वाहन चालकांना या काळ्या कायद्याची माहिती दिली. तसेच यावेळी त्यांनी चालकांचा हार आणि श्रीफळ देवून सत्कार करत त्यांना आंदोलनाचे महत्व पटवून दिले.
यावेळी खेड शहरातील चालक मालक तसेच विविध चालक संघटना सहभागी झाल्या होत्या. या काळ्या कायद्याला विरोध करण्यासाठी खेड शहरातील विविध संघटना एकत्र आल्याचे चित्र यानिमित्ताने पहावयास मिळाले. या आंदोलनावेळी त्यांनी खेड भरणे मार्गावरून प्रवास करणाऱ्या मालवाहू चालकांना या कायद्याची माहिती पटवून दिली.
कोणत्याही प्रकारचा गोंधळ गडबड व वादविवाद न करता हे आंदोलन शांततेत पार पडावे यासाठी संघटनेचे सर्व पदाधिकारी व कार्यकर्ते प्रयत्न करत असल्याचे पहावयास मिळाले. या आंदोलनामुळे प्रशासनाला व सर्वसामान्य जनतेला तसेच वाहन धारकांना कोणत्याही प्रकारचा त्रास होऊ नये याची विशेष काळजी घेतली जात होती.
TIMES MARATHI NEWS 