दापोली विधानसभा मतदारसंघात महायुतीमध्ये बिघाडी असल्याचे चित्र निवडणुकी आधीपासूनच पहावयास मिळत आहे मात्र आता भाजपा मध्येच बिघाडी झाल्याचे समोर येत असून देवेंद्र फडणवीस यांना राज्याचे मुख्यमंत्री पद मिळावे यासाठी केलेला नवस फेडताना खेड तालुका भाजपचे पदाधिकारी गैरहजर असल्याचे चित्र दिसून आले आहे
याबाबत भाजपचे खेड तालुका अध्यक्ष ऋषिकेश मोरे यांच्याशी संपर्क साधला असता त्यांनी देवेंद्र फडणवीस यांना मुख्यमंत्री पद मिळावे यासाठी नवस केल्याचे मान्य करत लवकरच तो नवस फेडणार असल्याचे त्यांनी सांगितले मात्र त्यांच्याच पक्षातील पदाधिकारी व कार्यकर्त्यांनी मिळून हा नवस फेडल्याची त्यांना पुसटशीही कल्पना नसल्याचे दिसून आले खरे तर गेल्या काही दिवसांपूर्वी महायुतीच्या मंत्रिमंडळाचा विस्तार करण्यात आला यानिमित्त खेड शहर शिवसेनेच्या वतीने मोठा जल्लोष देखील करण्यात आला मात्र यावेळी देखील खेड तालुका भाजपचा एकही पदाधिकारी या ठिकाणी उपस्थित असल्याचे पहावयास मिळाले नाही त्यामुळे महायुतीमध्ये बिघाडी आहे हे पुन्हा एकदा यावरून उघडकीस आले तर काल कशेडी येथे असलेल्या श्री स्वामी समर्थ महाराजांच्या मठामध्ये फेडण्यात आलेल्या नवसा वेळी देखील खेड तालुका भाजपचे पदाधिकारी गैरहजर असल्यामुळे भाजपामध्ये पण बिघाडी असल्याचे पहावयास मिळत आहे या संदर्भात भाजपच्या वरिष्ठ पदाधिकाऱ्यांनी तात्काळ बैठकीचे आयोजन केल्याची माहिती देखील खात्रीशीर सूत्रांकडून प्राप्त झाली असून आता पुढे काय होते याकडे सर्वांचे लक्ष लागून राहिले आहे
TIMES MARATHI NEWS 