#ड्रायव्हर आंदोलन

केंद्र सरकारने लागू केलेला हिट अँड रन या काळ्या कायद्याविरोधात देशभर सर्वत्र चालकांचे आंदोलन सुरू असल्याचे पहावयास मिळत आहे. यामध्ये खेड तालुक्यातील चालक ही मोठ्या संख्येने सहभागी झाले आसुन त्यांनी ही चक्का जाम आंदोलनात स्टेरिंग छोडो करत आपापल्या गाड्यांना ब्रेक लावत या आंदोलनात सहभाग नोंदवला आहे. 3 तारखेला या आंदोलनाबाबत अंतिम निर्णय होणार असून हा निर्णय शासनाने मागे न घेतल्यास 4 तारखेनंतर मात्र हे आंदोलन तीव्र होणार असल्याचे मत वाहनचालकांनी व्यक्त केले आहे.

केंद्र सरकारने जाहीर केलेल्या हिट अँड रन कायद्याला विरोध करण्यासाठी खेड तालुक्यातील चालकांनी एकत्रित येत आज 2 जानेवारी रोजी सकाळी तहसील कार्यालय खेड येथून भरणे नका पर्यंत निषेध रॅली काढत निषेध नोंदवला. यावेळी त्यांनी भरणे नाका येथील विविध वाहन चालकांशी बोलून त्यांना या कायद्याविषयी माहिती दिली. यावेळी त्यांनी हा कायदा लायसन्स असणाऱ्या प्रत्येकाला लागू होणार असून तो मग ट्रक चालक आसो की दुचाकी चालक सर्वानाच लागू होणार असल्याचे सांगितले. त्यामुळे या कायद्यानुसार होणाऱ्या शिक्षेची तरतूद ही सर्वांसाठी सारखी असल्याचे सांगत हा कायदा रद्द होण्याची मागणी केली.

तसेच यावेळी त्यांनी आमदार खासदार यांच्या चालकांनी सर्वप्रथम स्टेरिंग छोडो या आंदोलनात सहभागी होण्याची गरज असल्याचे मत यावेळी व्यक्त केले. तसेच स्वतः आमदार खासदार मत्र्यांनी आपली वाहने स्वतः चालवावी म्हणजे त्यांना ड्रायव्हरच्या वेदना काय असतात ते समजून येतील. तसेच कोणताही ड्रायव्हर हा जाणीवपूर्वक अपघात करत नसून अपघात हा अचानकपणे घडतो. त्यावेळी मोठ्या वाहनचालकांना अपघात स्थळावरून पळून गेले नाही तर जनतेचा रोष ओढवून घेवून मार खवा लागतो. त्यामुळे सरकारने अपघातानंतर चालकांना होणाऱ्या मारहानीबाबत कठोर कायदा बनवावा म्हणजे कोणताही ड्रायव्हर अपघात स्थळा वरून पलायन करणार नाही असे मत ही त्यांनी यावेळी व्यक्त केले.