ठाण्यातील बदलापूर खरवई येथील महाराष्ट्र औद्योगिक विकास महामंडळाच्या (एमआयडीसी) प्लांटमध्ये आज पहाटे 5 वा. सुमारास स्फोट झाला. या स्फोटात 1 कामगाराचा मृत्यू झाला असून 5 जण जखमी झाले आहेत. या कंपनीत मोठा स्फोट झाला तेव्हा आजूबाजूच्या तीन ते चार किलोमीटर परिसरातील इमारती हादरल्या. या सोबतच केमिकल कंपनीच्या बाहेर उभ्या असलेल्या दोन टेम्पो वाहनांना आग लागल्याचे वृत्त समोर येत आहे.
ठाणे जिल्ह्यातील बदलापूर एमआयडीसीमध्ये असलेल्या विकी केमिकल फॅक्टरीत आज गुरुवारी सकाळी पहाटे 5 वाजता घडली असून त्याचा प्रभाव 4 किमीपर्यंत दिसत असल्याचे सांगण्यात येत आहे. वृत्तानुसार, स्फोटात 1 कामगार ठार झाला असून 5 इतर कामगार जखमी झाले आहेत. अग्निशमन दल आणि पोलीस घटनास्थळी पोहोचले. ठाणे शहर पोलीसही परिस्थितीचा आढावा घेण्यासाठी केमिकल फॅक्टरीत पोहोचले आहेत. मिळालेल्या माहितीनुसार, हा स्फोट इतका जबरदस्त होता की त्याचा परिणाम चार ते पाच किलोमीटरच्या परिसरातही दिसून आला. या स्फोटामुळे संपूर्ण बदलापूर शहर हादरले असे म्हटल्यास वावगे ठरणार नाही. या घटनेची माहिती मिळताच अग्निशमन दलाने घटनास्थळी धाव घेवूनआग आटोक्यात आणण्याचे काम केले. बदलापूर आगीत जखमी झालेल्या कामगारांना तातडीने कंपनीतून बाहेर काढून रुग्णालयात दाखल करण्यात आले. मात्र, एका कामगाराचा मृत्यू झाला आहे. स्फोटाचे नेमके कारण अद्याप समोर आलेले नाही.
TIMES MARATHI NEWS 